HStAOrient5a: 43r

Arżuñ kürīyeti ẓāhirdür bundan. Ve felek‑i aʿẓamuñ mınṭaqası // yaʿnī miyānında olan dāʾire-i ʿaẓīmesi üç yüz altmış cüzʾe // taqsīm olınmışdur [ve] her bir cüzʾe bir derece ıṭlāq ėderler. Yaʿni felek‑i // aʿẓam ol cüzʾ miqdārı devr ėtdügine bir derece tamām olur // ve her bir derece altmış daqīqaya taqsīm olınur ve her daqīqa altmış // s̱āniyeye ve her s̱āniye altmış s̱ālis̱eye ilā ġayri ẕālik. Revābiʿa // ve ḫavāmise varınca pes dāʾire-i felek‑i aʿẓam bir gün ve bir gėcede // devrān ėtdügi mevżıʿa tekrār vāṣıl olur. Zīrā bir gün // ve bir gėce yigirmi dört sāʿatdür. Dāʾire-i [felek‑i] aʿẓam ise üç yüz // altmış cüzʾdür. Her [bir] cüzʾ bir derecede tamām olıcaq üç yüz // altmış derecede tamām olur. Üç yüz altmış derece // ḫod yigirmi dört sāʿatdür zīrā her sāʿat on beş derecedür. [Ve] // ḥareket‑i felek‑i aʿẓam üç nevʿ üzredür Birisi dolābīyedür // ki ḫaṭṭ-i istivā dėdükleri mevżıʿda olur ki güneş [anda] semt‑i // reʾsden mürūr ėder dāʾimā. Ve birisi raḥavīyedür ki ʿarż‑i // tisʿīnde olur. Güneş anda dāʾire‑i ufuqdan mürūr ėder // seng‑i āsyāb gibi. Ve birisi daḫı ḥamāʾilīye ki bilād‑i s̱eles̱eye // qarīb olan mevżıʿlardaki gibi ki güneşüñ devri // bend‑i ḥamāʾil gibi olur. Qısm‑i s̱ānī ki maġribden maşriqe olan